CHEGOU A DESPEDIDA

Despois de tantos días xuntos, o curso rematou.

E con él a andaina dos primeiros Cadrados da Escola de Guísamo.

Foi unha semana cargadiña de cousas: de despedidas, de traballos, de lembranzas e de diversión.

Os ENCARGADOS nesta semana tan, tan especial foron ANTÓN, IÑAKI, ALBA e ALEX, que posaron xa fora da aula.

O axudante foi THEO que estaba así de contento 

de ser o último en ter esa "honra"

Non nos esquecemos de amosarvos a evolución do noso horto que, pouco a pouco, comezou a darnos alegrías, vede, vede:

Por fin puidemos encher as cápsulas do tempo con todas as cousas deste ano que merecen ser lembradas: fotos, retratos, libros de leiras, tapóns coa abella Pepa, o caderniño de mate, libros de cancións e un CD estupendo con HITs deste curso. Así que, xa sabedes, Cadradiños, ata dentro duns anos as tedes que gardar para volver a abrilas logo, como fixo Andy Warhol.

Experimentamos cunha das adquisicións máis desexadas da aula dos Cadrados: os copos de millo coloreados, que deixaron voar a nosa imaxinación 

Non podemos esquecer o último cumple do ano: o de PAULA, que pechou o curso soprando a súa candea de 6!!!!

A festa máis agardada, a máis desexada polos cativos eran sin dúbida esta última, a de fin de curso. E así foi na Escola de Guísamo, cun desfile e un "paseillo" que lles fixeron os seus compañeiros máis pequenos, meredola ofrecida polas profes, piñata de chuches e, como non, o baile cos "top six" do curso por cortesía da profe María. 

Non podemos esquecer tampouco as galletas tan chulas que enviaron as nais de DANI e ALEX.

Vede neste vídeo qué orgullosos estaban do paso tan importante que ían dar, e da festa que lles organizaron e compartiron cos compañeiros das aulas dos Triángulos e dos Círculos.

Antes da despedida definitiva neste blogue tres avisos moi especiais para os meus cadradiños:


Primeiro: todas as entradas deste blogue van QUEDAR como entradas antigas no blogue.
Así que as poderedes ver sempre que queirades nesta mesma lapela.

Segundo: non vos esquezades dos trucos que aprendimos neste curso para facer as cousas estupendamente ben. 

Aquí vos deixo un recordatorio do que tedes que facer.

Terceiro: agora que casi todos sabedes ler ou vos falta un pouquichiño, esperamos recibir os vosos comentarios neste blogue, e que nos contedes cómo os van as cousas nese cole tan estupendo que é o CPI Cruz do Sar.

¡¡¡Biquiños, Cadradiños!!!