Pouco a pouco imos entrando nas rutinas novas do cole... O caso é vir content@s, non preocupad@s. Que cousa máis curiosa é iso das preocupacións... Pesan moito e non nos deixarían nin xogar. Que por que dicimos iso?
Lucía, a orientadora tróuxonos un conto dunha preocupación que tivera ela cando era pequena, e que recomendamos moitísimo para botarlle un ollo na casa. É de Tom Percival e a súa Editorial é SM
Axuda á preocupadísima Lucía a resolver o crebacabezas
Agarda, un minutiño, non quererás escoitar o conto?? Pois atención ó vídeo que ven agora...
O caso é que, falando, falando, descobrimos que na clase só había unha preocupación. Era unha que tiña a profe, non d@s cativ@s, porque tod@s @s cadradiñ@s din que NON TEÑEN NINGUNHA!! Pero que sorte temos...
Aínda así debuxamos na ficha unha preocupación calquera, a de Lucía mesmo...
Con pintura e paciencia foi quedando así...
Pasando os días, ós poucos, fumos descubrindo máis cousas que facer nos novos espazos da escola. Ainda que non puidemos estar tod@s porque os moquetes e as toses atacaron de novo😀.
De tódolos xeitos, podedes botarlle un olliño ó ben que o pasamos cando estamos case xuntos. Incríble!!
Vedes que ven o facemos? E por iso non temos casi preocupacións n@s Cadradiñ@s. Porque temos moito, moito sentidiño... E que nos dure!!!
Non podía faltar nos océanos un dos animais máis comúns nos ceos deste planeta azul:
A GAIVOTA
A GAIVOTA que temos en Galicia é a GAIVOTA PATIAMARELA
Seguro que adiviñas por que...
E así se escribe nos tres idiomas que usamos no CRA:
A GAIVOTA é un AVE. Sabes o que é iso? Cóntancho aquí estupendamente:
Nesta páxina chamada PANDEANIMALES atoparás moitísimas cousas sobre as gaivotas: como son as súas crías, que comen, como é o seu carácter...
e nesta de SEO Birdlife terás aínda máis.
Ás GAIVOTAS encántalles estar en grupo; sempre están xuntas preto das praias, lagos, portos... Tamen devecen por comer calquera cousa das que comemos as persoas. Por isoNON debes darlle comida ás gaivotas: non distinguen se che sobra ou o necesitas, asi que tentarán achegarase a ti para coller máis. Ou igual invitan a algunhas amigas... It's not funny! Non che faría graza ningunha.
Non o esquezas, nada de comida...NON SON PARRULOS!!
Van tan xuntas que son difíciles de distinguir. A ver se eres quen de atopar entre todas estas as que son iguais á do modelo. Sorte!!
Aquí van 30 curiosidades máis sobre estas aves:
As GAIVOTAS actuaron en varias películas que coñeces, sabes cal é esta?
Estoutra é un pouco toleirona, verdade?
Bueno, bueno, nós sabemos as cousas un pouco mellor que esta GAIVOTA. Por exemplo, a nós dásenos estupendo o CONTEO. Propóñovos un xogo de mate para contar e repartir que ten moito que ver con este animal.
Precisas unha gaivota (se queres), que podes debuxar ou facer tí mesmo, unha oveira e ovos, tapóns, fabas, boliñas de algodón, xel ou o que queiras usar para colocar nos ocos... Só tes que tirar DOUS dados e poñer tantas unidades como che toque en sorte. Así me quedou a mín.
Podes poñer as de cada dado nunha fila e sumalas ou poñelas seguidas. Hai moitísimas posibilidades!! Se queres anotar as tiradas e resultados podes rexistralas aquí...
Queres facer a túa propia GAIVOTA? Este modelo é sinxelo, verás...O imprimes e montas como o de abaixo. Se o fas en cartolina aínda mellor.
Tamén está a posibilidade de facelo por pezas como nestas de aquí...
Se che apetece, podes IMPRIMIR unha máscara e ser ti a gaivota.
Ou coloreala online.
Antes de irnos e para facernos pensar un anaquiño, queda este conto que trata sobre axudar e ser axudad@. Que pensas que debería facer a gaivota? E o home?
Se tedes tempo invítovos a que vaiades vendo este vídeo que vos levará ata as ILLAS SISARGAS, meu sitio favorito do mundo (ou casi)💗🌍. Está en Malpica de Bergantiños. Estas illas son supersalvaxes e Zona de Especial protección para as aves (ZEPA).Por iso atoparedes milleiros de gaivotas, que forman enormes colonias. Pero non só son importantes e fermosas por iso. Botade unha ollada ó seu fondo mariño.
Un océano supervivo!!🌊💗🦀🦐🐡🐟🐙🦞🦑
Queda o PADLET para botarlle unha ollada. da 394 ata a 400
Mágoa que xa remate a semana de África. Aínda temos tanto que aprender...
Alí viven unha chea de animais están desexando coñecervos. Aquí viñeron algúns deles para darnos a Benvida e a despedida á vez!! Coñécelos todos?
Tenta facer este crebacabezas para empezar a entrenar o caletre 😉💕
Mira que contentos están que che veñen animar con esta canción. Titúlase "HAKUNA MATATA", pero non é a que xa coñeces, verás:
Se queres saber máis destse animais podes premer o vídeo de abaixo. Verás como coñeces unha chea deles!!
Unha cousa que ás veces sorprende e ver que nese continente tamén teñen animais como os que temos aquí, como por exemplo galiñas e galos. E cómo canta alí o galo? Pois decindo KOKOLEKKO!!! como nesta canción, da que fixen un vídeo vai tempo. Queres escoitala?
Pero que letra e esa pola que comeza KOKOLEOKO e está ata tres veces nesa palabra?
En galego non existe, é unha letra de lonxe, e se chama K. Na nosa clase ninguén a leva. Usámola en palabra que non propias do galego como aquela que tanta gracia vos facía cando falabamos dos POLOS. Aquelo que comían as baleas, lembrádesvos? Era o...
KRILL !!!
Pero tamén a atopamos en cousas tan variadas como o
KIWI
e tamén o famosísimo
KIWI
Caramba, que se escriben igual!! Sí. Pero MOITO OLLO;o animal chamado KIWI non é de África, está aquí de visita, coma nós. E vaise quedar escoitando estas aventuras da letra K
Que cousas lle pasan ó K, verdade? E que, bueno, os animais silvestres deben estar no seu hábitat, non atrapados. Menos mal que esa balea é de conto, se non de seguro que preferiría estar libre polos mares e mergullarse a case un quilómetro de profundidade. E comerse tres toneladas de KRILL ó día.
Aquí tedes de novo ó Mono Sílabo que vos ven cantar cousas de K. Queres escoitalo?
Agora que xa sabes tanto sobre o K. Que che parece facer unha ficha para lembralo? Mira, mira cantísimos tipos de K podes atopar. Debuxa tí dous o tres na parte traseira da ficha. E como na nosa clase non hai ninguén con K, por que non investigas se coñeces a alguén que sí a teña? Eu sí coñezo!! Houbo un Cadradiño tamén superlisto e bo debuxante que tiña a letra K no nome .Outra pista é que empezaba por I. Aínda che dou outra más, hai un amigo na clase dos Círculos que ten o mesmo nome. A pensar!!!
Non esquezas debuxar algun das palabras que xa vimos nas fotos ou na canción que levan K.
Vouvos presentar un león cuxo nome comeza por K, é o famoso KANDINGA. Kandinga é o protagonista dun conto popular africano que da un pouco de medo, pero é moi chulo. Serás valente dabondo para escoitalo enteiro? Seguro!!
Boa peza este Kandinga, verdade? Así non se coidan @s amig@s!! E nós, coas ganas que temos de vel@s nestes momentos, imos ser FABULOS@S con el@s cando poidamos estar xunt@s.
Falando de amig@s, nesta ficha colóuse un amigo que non é Africano, poderías atopalo ?
Que tal a fixeches? Ou prefires facela "analóxicamente" ? Agarda que cha poño aquí para que a descargues:
Tenta debuxar por detrás unha morea de Kiwis, de Kiwis e de Krill. Cantos? Pois dous animais Kiwis, tres máis dos Kiwis de comer e catro máis de Krill. Cantos serán todos??
Xa é hora de rematar a entrada e por se queres lembrar algo de África que vimos outros días, aquí quedan os enlaces.
Déixovos unha canción para rematar esta visita por un continente tan chulísimo. SEGURÍSIMO que tooood@s vos@s familias a coñecen e vos poden contar cousas superinteresantes dela. De seguro lembran casi cada detalle, iso sí que vai ser unha batalla. Por que esto é ÁFRICA:
WAKA WAKA
E no PADLET atoparedes as actividades de hoxe. da 321 á 331
Hoxe á nosa visita por África acompañannos uns animais espectaculares.
Os coñeces?
Claro que sí, son XIRAFAS 🦒💛🦒!!
Proba a facer o crebacabezas a ver cantas saen.
Neste vídeo aprenderás moitísimo sobre ela:
Permíteme que hoxe fagamos unha pequena "trampiña". Xa sabes que sempre traballamos en galego, pero a Xirafa é a mascota dunha das nosas Cadradiñas. De JULIA, claro. E por que? Porque a usamos na súa versión castelá: JIRAFA🦒. En galego non temos a letra J, asi que hoxe, en honor a Julia imos chamala JIRAFA🦒.. Bueno, tamén cambiamos o idioma e non chamamos a MONKEY mono🙊 . Ainda que e monísimo🐵💖 Queres escoitar como se di en cada un dos tres idiomas que usamos no CRA? Dalle á ficha!!
Xa que estás coa orella posta , pois a escoitar unha canción da JIRAFA🦒.
Ese pescozo tan longo que ten a é o que a fan tan diferente ós demáis animais. A que non que non a confundes con ningun outro animal?? Pois o mesmo lle pasa á súa letra: a J de JIRAFA🦒.
Ten un pescozo longuísimo. Mira cantas versións diferentes podes atopar. Non esquezas colorealas e debuxar por detrás a túa propia versión da letra, a túa propia xirafa, a e a Julia, claro, que seguro que ha estar encantada. Se coñeces a alguén máis cuxo nome empece por J, adiante...tes moito espazo por encher.
Xa que estamos, que che parece se facemos un pouquiño máis de man e resolves esta ficha de sombras e imaxes. Podes facelo a man e debuxar detrás os animais, on line ou as dúas versións. Canto máis mellor che sairá!!
Hoxe é un día moi especial, é o DIA de ÁFRICA. Por iso esta semana é a SEMANA DE ÁFRICA tamén na aula d@s Cadrad@s. Seguro que a moitos xa vos soa o nome deste lugar. A que sí?
Incrible!! Cantísimos había. E agora, serás quen de completar a bandeira daUNIÓN AFRICANA neste crebacabezas?
Agora que o penso. Sabes por ónde está Africa? Por se non o lembras, aqui cho contan rapidiño.
A nos África quédanos lonxe para ser preto e preto para ser lonxe.
Vede ónde estamos nós e onde está ese apaixoante CONTINENTE.
Neste video tan chulo poderás aprender moitísimas máis cousas de AFRICA. Cantas destas xa sabiades?
Seguro que xa case que eres un/ha expert@ no mapa de África. Ou casi. Colle o lápiz e as cores que poderás colorealo nesta ficha:
Cada día da semana vainos levar de visita por África un animal diferente. Que vos parece se desta volta nos acompaña un rei na nosa viaxe? Xa vos imaxinades quen? Seguro que Martina e Sofía se lembran, pois é o seu conto favorito. Bueno, e sobre todo Laura, que o seu nome comeza pola misma letra.
Observa cantísimos tipos de L hai. Seguro que tí aínda podes inventar máis. E con paus, paliños, palliñas, pasta, telas, plastilina, boliñas, o que queiras...Podes aproveitar para debuxar detrás da ficha@s compañeir@s que levan L no nome. Sabemos que Laura o leva de primeiro. Pero, que máis o ten?
Pero a que animal os referiamos antes? Cal era a mascota de Laura? SÍ, ADIVIÑACHES!! Era o LEÓN!!!!
Menos mal que nos só os vemos na pantalla!! Agora PRESTA ATENCIÓN. Podes atopar os leóns IGUAIS ao modelo? Están sin colorear, iso sí.Así que aínda é máis dificil. Ou non?
Para evitar sustos imos ver unha aventura de leóns dende a nosa propia casa.
Que che parecería colorear estes leóns? Non esquezas copiarlle debaixo o nome:
Detrás terás que debuxar a túa propia versión deste animal. 🦁🦁
Así ordenadiño non é tan difícil, pero. Atreveste a ordear as letras desta parella? Adiante...
Un xogo nunca ven mal, e se ademáis aprendes cousas, pois moitísimo mellor. Mira que chulete!!
Aquí agochadas están as etras do abecedario. Non as sabemos todas, claro que non, pero están escritas abaixo e podes xogar a atopalas. A música do xogo é divertidísima.
Que tal se te animas a facer o teu propio león? Podes escoller dentro das estupendísimas ideas que verás a continuación. Seguro que na casa atopas algúns destes materias para facelas. A min encántame esta. É moi parecida á do xogo que fixeste antes.E ademáis haberíase que pintar as mans, co que nos gusta a nos!!
Por se aínda che apetece facer mási, deixoche estas que tamén están xenial!! Elixe as túas.
Antes de vos ir propoño escoitar esta canción que nos amosa uns leóns mooooi calmadiños. Este é un vídeo que fixen vai moito tempo, e xa sabedes que @s Cadradiñ@s encántanos facer as cousas divertidas, así que seguro que vos anima 😉😉 Xa veredes. É unha das miñas cancións favoritas dende que era coma vos. Ogallá tamén vos guste.
Prohibido NON bailala. 💖💖!!!
Eh, pero non esquezades pasar polo PADLET. Eu vos espero mañá con máis cousas de África e cun novo animal de protgonista. Esperamos que estéa máis desperto que este 🦁😉!!!
