RECICLANDO QUE É XERUNDIO...

Coa profe ALBA fixemos seguimos adiante coa experiencia da reciclaxe. Fixemos cousas tan chulas que parece mentira que sexan feitas con material de refugallo.

 O primeiro un pouquiño de papel para aproveitar a prensa, papeis e revistas que nos sobran na casa.

Compartindo experiencias c@s outr@s compañeir@s da Escola de Guísamo ...

Troceamos moitísimos papeis que remollamos na auga. Agora teremos que "pescalos" para batelos e facer unha pasta:

  Logo de meter os papeis na batidora precisamos escurrila masa que se crea. Nos usamos unha peneira superchula que trouxo a profe ALBA feita polo avó SUSO para esta ocasión:

Logo estivemos vendo a unidade de traballo e xogo que fixo coa PDI para nós. 

Quedámonos todos engaiolados coa canción de reducir, reutilizar e reciclar dos moniños. 

Ainda que este RAP das tres erres non este nada, nada mal...



O caso é que á profe ALBA, que sempre está a argallar cousas para nós, ocurríuselle facer algo coas botellas de vidro. 

Algo máis que metelas no seu contenedor, claro :
Un CRISTALÓFONO 
Todos colaboramos para enchelas.

¡¡Compuxemos a nosa propia MÚSICA con elas!!

¡¡Pasámolo xenial!!Ésta é unha idea moi divertida e tamén podemos facela na nosa pizarra. ¿O vemos? Preme na imaxe de abaixo e busca no apartado de facer música con botellas, ou outro que tí queras...

¡¡Grazas, profe ALBA!!
Agora todos sabemos un pouquiño máis sobre a reciclaxe. E imos reducir, reutilizar e reciclar moitísimo máis.

SAMAÍN TEN SAÍDA

No Samaín e no Magosto moito traballo temos, pero neste caso con recompensas moi, moi saborosas. Nos nosos cazoliños de castañas as recollimos, vede, vede...

    Preparamos nas casas con moita ilusión as cabazas que expuxemos na entrada do cole xunto cos compañeiros dos círculos e triángulos... 

   Aquí nos podedes ver lucindo con orgullo o noso                                   traballo:

     A que quedáchedes impresionados con tanta creatividade?

   Pois para celebrar o día do Magosto-Samaín- Halloween, todo nun, fumos de visita Á Senra, a ver unha contacontos fabulosa. Así de contentos saímos, aínda que algúns sairon tan movidos coa emoción que non nos servíu a foto para publicar:

Chegamos ao teatro con moita emoción e o espectáculo non defraudou , pois foi ¡¡SUPERDIVERTIDO!!!

e, inda por enriba, tivemos un actorazo noso no esceario...

Para seguir coa troula baixamos ata o CPI Cruz do Sar onde sempre somos moi, pero que moi ben recibidos... recíbennos DE MEDO.

Para repoñer forzas tras tanto susto saímos a gozar do bo tempo do Magosto xantando nos cazolos as nosas saborosas castañas feitas por uns castañeiros  de sona, iso sí, coa axuda das cociñas do cole.

Xa no cole rematamos a xornada moi, moi creativos.

¡¡Quedáronnos DE MEDO!!